Thov Kev Pab Fab Kev Cai Lij Choj

Lub Koom Haum American Civil Liberties Union of Wisconsin Foundation lees txais cov ntawv thov kev pab cuam rau fab kev cai lij choj los ntawm cov neeg uas tsoom fwv lub chaw hauj lwm tau yuam lawv li pej xeem cov cai los sis txoj kev ywj siab uas tsoom fwv tsis cuam tshuam hauv Wisconsin. Yog tias koj muaj kev tsis txaus siab hauv lub xeev uas tsis yog xeev Wisconsin, koj yuav tsum tiv tauj ACLU lub chaw ua hauj lwm hauv lub xeev ntawd. Txhawm rau nrhiav txog lub ceg chaw ua hauj lwm ntawm ACLU uas tsim nyog, ces nias rau qhov ntawm no.

Thov nyeem phab vev xaib no thiab Cov Nqe Lus Uas Nquag Nug kom zoo. Peb daim foos muab ntaub ntawv fab kev cai lij choj xub thawj yuav muaj txoj kab txuas nyob hauv qab kawg ntawm phab vev xaib no.

TSEEM CEEB: Cov ntawv thov yuav cai fab kev cai lij choj tag nrho muaj cov sij hawm kawg, uas yuav nce raws li tus yam ntxwv ntawm daim ntawv thov yuav cai, hom kev yuam cai, thiab seb cov cai xab phaub twg raug yuam. Hais txog qee hom ntawm cov kev yuam cai, tej zaum koj yuav tsum tau xa daim ntawv ceeb toom los sis mus rau lwm cov kev hais daws fab kev tswj hwm nrog tsoom fwv lub chaw ua hauj lwm ua ntej koj tuaj yeem sau ib tsab ntawv sib foob. Txhawm rau xyuas kom paub tseeb tias koj cov cai tau txais kev tiv thaiv, tej zaum koj yuav tsum tau sab laj nrog tus kws lij choj kom sai los nrhiav kom paub seb yuav muaj cov sij hawm kawg twg rau koj qhov rooj plaub. Yog tias koj tsis ua raws li cov sij hawm kawg uas tsim nyog, tej zaum koj yuav raug txwv cai fab kev cai lij choj rau fab kev hais plaub hauv tsev hais plaub. Tiv tauj ACLU los piav qhia txog koj qhov teeb meem tsis tau txhais tias ACLU cov kws lij choj yuav sawv cev rau koj, thiab tiv tauj ACLU tsis nres lub sij hawm kawg no tau. ACLU tsis tuaj yeem muab tau lus pab tswv yim rau koj hais txog seb yuav muaj cov sij hawm kawg twg rau koj qhov xwm txheej xab phaub no.

Tam Sim No Tab Tom Tshuaj Xyuas Cov Lus Tsis Txaus Siab Txog ICE: Raws li qhov xwm txheej fab kas moos tam sim no, peb yuav pom tias muaj feem uas muaj kev ntxiv cov chaw hauj lwm ntawm ICE ntau tuaj hauv ntau lub xeev. Yuav hais daws rau qhov no, peb pab pawg ua hauj lwm fab kev cai lij choj tam sim no yuav tshuaj xyuas kev xa ntawv tuaj hais txog tus xeeb ceem kev coj ua tsis raug raws li txoj kev caij lij choj rau cov kws soj ntsuam ICE thiab cov neeg tawm tsam thiab kev siv lub zog tsis raug raws li tsab kev cai lij choj los ntawm cov tub ceev xwm tswj xyuas neeg nkag teb chaws ntawm tsoom fwv teb chaws thoob plaws Wisconsin. Faib qhia txog koj li kev paub hauv qab no. Cov kev xa ntawv tuaj uas tsis nyob hauv qhov teeb meem xab phaub no yuav tsis tau txais kev tshuaj xyuas los sis tsis tau txais lus teb los ntawm kev siv cov kab txuas no.

Yog tias koj tau raug ntawm tus kheej los sis tau pom ua pov thawj txog lwm tus raug kev ua phem, kev siv lub zog kiag tam sim ntawd, los sis raug kev siv lub zog uas tsis raug raws kev cai lij choj los ntawm tsoom fwv teb chaws cov tub ceev xwm tswj hwm neeg nkag teb chaws tam li yog tus neeg pom qhov xwm txheej los sis cuam tshuam nrog cov dej num uas tau ua tam li yog tus neeg soj ntsuam los sis tus neeg tawm tsam ICE, thov sau kom tiav daim foos no:

1. Lus Hmoob
2. Lus Askiv
3. Lus Xab Pees Niv

Hais txog lwm yam teeb meem, thov siv peb daim foos muab ntaub ntawv li ib txwm uas muaj kab txuas nyob hauv qab kawg ntawm phab vev xaib no.

LUS CIM TSEG: Tam sim no peb yuav TSIS tshuaj xyuas cov ntawv thov kev muab ntaub ntawv ntsig txog kev tiv thaiv txog kev tshem tawm ib tug neeg los sis cov ntawv thov txog kev sawv cev rau hauv cov tsev hais plaub txog neeg nkag teb chaws. Yog tias koj tab tom nrhiav kev pab no, peb xav kom koj tiv tauj ncaj qha mus rau Lub Chaw Muab Kev Pab Txog Kev Cai Lij Choj Haus Txog Neeg Nkag Teb Chaws Hauv Zej Zog (CILC) uas tej zaum yuav muaj peev xwm muab kev pab los sis chaw muab ntaub ntawv tau.